Connect with us

POLITICS

Menya ibiguhu bigiye kwemerezwa nk’abanyamuryango bashya ba Commonwealth

 3,090 total views,  6 views today

Togo na Gabon ni ibihugu bibiri bigiye kwemerezwa i Kigali nk’abanyamuryango bashya ba Commonwealth mu nama y’abakuru b’ibihugu izaba ku wa Gatanu tariki ya 24 Kamena.

Ni ibihugu byombi byari bimaze igihe byarasabye kuba ibinyamuryango. Byombi bisanzwe bikoresha Ururimi rw’Igifaransa ndetse ntibyakolonijwe n’u Bwongereza nk’uko byinshi biri muri uyu muryango bimeze.

Kimwe cyakolonijwe n’u Bubiligi ikindi gikolonizwa n’u Bufaransa gusa uko imyaka yagiye yicuma byagiye bigira umubare munini w’abantu bavuga Icyongereza.

Kwinjira muri uyu muryango kwabyo, bikurikiye ibindi bibiri nabyo bitakolonijwe n’u Bwongereza biwubarizwamo, aribyo u Rwanda na Mozambique.

Mu 2012 Perezida wa Gabon yagiriye uruzinduko mu Rwanda, atangaza ko ateganya guhindura ururimi rw’igihugu cye ku buryo gikoresha Icyongereza.

Umunyamabanga Mukuru wa Commonwealth, Patricia Scotland, aherutse kubwira IGIHE ko muri iyi nama hashobora kuzaboneka abanyamuryango babiri bashya.

Ati “Umuntu yabitegereza, hazaba hari ibyishimo byinshi. Ndizera ko dushobora kuzabona umunyamuryango umwe cyangwa babiri bashya i Kigali.”

Related Topics
Click to comment

Leave a Reply

Your email address will not be published. Required fields are marked *

HITAMO

Advertisement
Advertisement
Advertisement

More in POLITICS